លោក គីមជុងអ៊ុន មេដឹកនាំផ្ដាច់ការវ័យក្មេងនៃប្រទេសកូរ៉េខាងជើង នៅតែបន្តស្ថិតក្នុងភាពអាថ៌កំបាំងនៅឡើយ ក្រោយពីការវះកាត់បេះដូងដ៏គ្រោះថ្នាក់កាលពីថ្ងៃទី១២ ខែមេសា។
លោក គីម ជុងអ៊ុន ឡើងកាន់តំណែងជំនួសឱពុករបស់លោក នៅឆ្នាំ២០១១ បន្ទាប់ពីឱពុកលោក គីមជុងអ៊ិលស្លាប់នៅលើរថភ្លើង ពេលកំពុងធ្វើដំណើរទៅកាន់ការដ្ឋានកសិកម្ម មួយកន្លែងកាលពីទី១៧ធ្នូ ឆ្នាំ២០១១ ដោយជំងឺគាំបេះដូង។
លោក គីមជុងអ៊ុន បានបាត់មុខជាសាធារណៈព្រោះលោកមិនបាន ចូលរួមពិធីរំលឹកថ្ងៃបង្កើតប្រទេសកូរ៉េខាងជើង កាលពីថ្ងៃទី១៥មេសា ដែលព័ត៌មានចុះផ្សាយថា លោកមានជំងឺបេះដូងធ្ងន់ធ្ងរហើយត្រូវបញ្ជូនទៅមន្ទីរពេទ្យដើម្បីធ្វើការវះកាត់។
សារព័ត៌មាន ជប៉ុន Yomi-uri Shimbun បានចុះផ្សាយនៅថ្ងៃទី២៣មេសានេះថា ប្អូនស្រីពៅម្ដាយទីទៃរបស់លោកគីមជុងអ៊ុន ត្រូវបានថ្នាក់ដឹកនាំប្រទេសកូរ៉េខាងជើង សម្លឹងមើលតាំងពីឆ្នាំ២០១៩ ថាជាបុគ្គលម្នាក់ដ៏មានអំណាច និងឥទ្ធិពលដែលអាចបន្ដវេនពីលោកគីមជុងអុន។
ប្អូនស្រីរបស់លោកគីមជុងអ៊ុនមានឈ្មោះថា Kim YoJong ។ អ្នកស្រីជាអនុប្រធានបក្សពលករ។ មួយរយៈក្រោយនេះអ្នកស្រីតែងដើរតាមបងប្រុសរបស់អ្នកស្រីទៅចូលរួមកម្មវិធីនយោបាយសំខាន់ៗទាំងក្នុងប្រទេសនិងក្រៅប្រទេស។
សាព័ត៌មានជប៉ុនដដែលចុះផ្សាយថា គណៈកម្មាធិការមជ្ឈឹមបក្សពលករកូរ៉េខាងជើងបានសម្រេចបើកកិច្ចប្រជុំផ្ទៃក្នុងកាលពីចុងឆ្នាំ២០១៩ថា ប្រសិនបើលោកគីមជុងអ៊ុនទទួលមរណភាព ឬមិនអាចដឹកនាំប្រទេសបានទៀត អ្នកដែលត្រូវឡើងបន្តដំណែងនេះ គឺមានតែអ្នកស្រី Kim Yo-jong ប៉ុណ្ណោះ។
ហេតុអ្វីអ្នកស្រី Kim Yo-jong ត្រូវបានស្នើអោយត្រៀមជំនួសតំណែងបងប្រុសរបស់អ្នកស្រី?
អ្នកស្រីត្រូវបានអនុញ្ញតិអោយបង្ហាញមុខជាសាធារណៈលើកដំបូងកាលពីឪពុករបស់លោកជាប្រមុខរដ្ឋក្នុងឆ្នាំ២០០៧។ ពេលនោះនាងជាកម្មាភិបាលម្នាក់ទើបតែងតាំងដោយបក្សពលករ។ ក្នុងនាមជាអនុប្រធានបក្សកុម្មុយនិស្ដ អ្នកស្រី Kim Yo-jong ជាមនុស្សម្នាក់ដែលឧស្សាហ៍ទៅចូលរួមព្រឹត្តិការណ៍ទាំងក្នុង និងក្រៅប្រទេស។
ចាប់ពីឆ្នាំ២០១៨ដែលជាឆ្នាំអ្នកស្រីទៅប្រទេសកូរ៉េខាត្បូងជាលើកដំបូងនោះ អ្នកស្រីបានជួបប្រធានាធិបតីនៃប្រទេសនេះគឺលោក មូនចែអ៊ីន ហើយបានថតរូបជាមួយអនុប្រធានាធិបតីអាមេរិកលោក ម៉ៃក ផេនស៍ ថែមទៀតផង។
អ្នកស្រីជាមនុស្សស្រីតែម្នាក់គត់ដែលត្រូវបានគេដឹងថាលោកគីមជុងអុន ទុកចិត្តបំផុតតាំងពីអនុញ្ញាតឱ្យនាងរួមដំណើរជាមួយលោកក្នុងជំនួបសំខាន់ៗរួមទាំងជួបលោកប្រធានាធិបតីអាមេរិកដូណាល់ត្រាំនៅប្រទេសចំនួនបី រួមមាន សិង្ហបុរី វៀតណាម និងនៅព្រំដែនរួម កូរ៉េខាងជើង និងកូរ៉េខាងត្បូង។
តាំងពីបរាជ័យនៃជំនួបទាំងបីលើកជាមួយលោកត្រាំ នាងត្រូវបានខកខានឡើងនិយាយជាសាធារណៈ។ ប៉ុន្តែកាលពីពេលថ្មីៗនេះនាងលេចវត្តមានឡើងវិញនៅពេលផ្ញើសារទៅកាន់កូរ៉េខាងត្បូង និងមេរិកក្រោយពីកូរ៉េខាងជើងបាញ់មីស៊ីលលើកទីបី។ អ្នកស្រីបែរជាសរសើរលោកដូណាល់ត្រាំចំពោះការចាត់ទុក និងទទួលស្គាល់កិច្ចខិតខំប្រឹងប្រែងរបស់បងប្រុសអ្នកស្រីក្នុងប្រយុទ្ធនឹងជម្ងឺកូវីដ១៩។
ទាំងនេះសុទ្ធតែបង្ហាញពីស្មារតីជាតិនិយមរបស់អ្នកស្រីខ្ពស់ សមត្ថភាពគ្រប់គ្រងយោធា និងការចេះការពារផលប្រយោជន៍នៃកេរ្តិ៍ តំណែលត្រកូលគីមលើឆាកអន្ដរជាតិ។
បើទោះបីជាគ្មានលោក គីម ជុងអ៊ុន ក៏កូរ៉េខាងជើងនៅមិនអាចបញ្ចប់របបផ្ដាច់ការ បានងាយស្រួលនោះដែរ។ មេដឹកនាំកូរ៉េខាងជើង លោកគីមជុងអ៊ុន កាលពីថ្ងៃទី១២ ខែមេសាបានឆ្លងកាត់ ការវះកាត់បេះដូងដ៏គ្រោះថ្នាក់ និងកំពុងបន្ដព្យាបាលនៅឡើង នៅឯភូមិគ្រឹះមួយជិតមន្ទីរពេទ្យដែលលោកវះកាត់នោះ។
សហរដ្ឋអាមេរិកនិងការិយាល័យប្រធានាធិបតីកូរ៉េខាងត្បូងរួមទាំង រដ្ឋាភិបាលជប៉ុនមិនបាន បញ្ចេញមតិ ឬបញ្ជាក់នឹងព័ត៌មានចារកម្មរបស់ខ្លួនបានទេ។ ប៉ុន្តែប្រទេសជិតខាងទាំងនេះ កំពុងតែតាមដានយ៉ាងយកចិត្តទុកដាក់លើរឿងនេះ។ នេះបើតាមការឱ្យដឹងពីទីប្រឹក្សាសន្ដិ សុខជាតិលោក Robert o b’brien ខណៈវិមានក្រឹមឡាំងក៏កំពុងរង់ចាំសេចក្ដីថ្លែងការណ៍ផ្លូវការពីទីក្រុងព្យុងយ៉ាងព្រោះការសង្ស័យ អំពីអាយុជីវិតលោកជុងអុន គឺជាការព្រួយបារម្ភអំពីការប្រែប្រួលក្នុងតំបន់និងសកលលោក។
ស្របពេលដែលបក្សកុម្មុយនីស្ដិចិនប្រាប់សាព័ត៌មានរ៉យទ័រថាចិន មិនជឿថាលោកជុងអ៊ុនឈឺធ្ងន់នោះទេ។ តែអតីតមន្រ្ដីបម្រើការនៅខុទ្ទកាល័យប្រធានាធិបតីកូរ៉ែខាងជើងនៃជំនាន់ឪពុករបស់លោកគីមអះអាងថាក្រុងព្យុងយ៉ាងបានលាក់ព័ត៌មានអំពីជំងឺរបស់មេដឹកនាំ គីមជុងអ៊ីល រហូតដល់ឆ្នាំ២០០៨ទើបដឹងថាលោកកើតជំអឺស្រ្ដូកហើយក្រោយមកលោក ក៏បានស្លាប់។
បញ្ហានេះក៏ដូចជាពេលនោះដែរ គឺសុខភាពរបស់គីមជុងអ៊ុនស្ថិតជាអាថ៌កំបាំងមួយក្នុងចំណោមការសម្ងាត់បំផុតរបស់កូរ៉េខាងជើងចំពេលដែលមជ្ឈដ្ឋានខ្លះគិតថាបើអវត្តមានរបស់លោកគីមជុងអុន ថាតើថ្នាក់ដឹកនាំនយោបាយដែលគ្រប់គ្រងកម្មវិធីអាវុធនុយក្លេអ៊ែរនឹងទៅជាយ៉ាងណា?
លោក Van Jackson អតីតមន្រ្តីមន្ទីរប៉ង់តាហ្គោន និងជាអ្នកនិពន្ធសៀវភៅស្តីពីកម្មវិធីនុយក្លេអ៊ែររបស់កូរ៉េខាងជើងបាននិយាយថាទោះបីមេដឹកនាំកូរ៉េខាងជើងពិតជាជួបគ្រោះថ្នាក់នោះក៏ដោយ ក៏សេណារីយ៉ូយោធា មិនមានការប្រែប្រួលច្រើននោះដែរ។ គេអាចនិយាយបានថាប្រសិនបើ លោកគីមស្លាប់មែន វាក៏មិនបានបង្កឱ្យមានរដ្ឋប្រហារ ឬការបះបោរស៊ីវិលណាមួយនោះដែរ។ ហើយតំណែងកំពូលនឹងបន្តធ្លាក់ទៅកាន់ក្រុមគ្រួសារត្រកូលគីមដូចជំនាន់លោកគីមជុងអ៊ុនឡើងបន្ដពីឪពុករបស់លោកអញ្ជឹងដែរ។ នេះជាការផ្ទេរអំណាចដោយអហិង្សាបំផុត។ ម្យ៉ាងទៀតនាង Kim Yo-jong ដ៏មានឥទ្ធិពលកំពុងកាន់តំណែងកំពូលក្នុងនយោបាយស្រាប់ទៅហើយ។
សម្រាប់លោករដ្ឋមន្ត្រីការបរទេសអាមេរិក Mike Pompeo វិញបាននិយាយថា ទោះលោកគីមជុងអុន អវត្តមាន ឬយ៉ាងណាក្ដី ចំពោះគោលដៅរបស់សហរដ្ឋអាមេរិក គឺមិនប្រែប្រួលឡើយ ក្នុងការបន្តជំរុញអោយប្រទេសកូរ៉េខាងជើងលុបចោលកម្មវិធីអាវុធនុយក្លេអ៊ែរ៕