នាយករដ្ឋមន្ត្រីបញ្ជាឱ្យក្រសួងសុខាភិបាលបញ្ឈប់ការប្រើឧបករណ៍តេស្ដរហ័សទូទាំងប្រទេសជាបន្ទាន់

លោក ហ៊ុន សែន បញ្ជាឱ្យក្រសួងសុខាភិបាល បញ្ឈប់ការប្រើឧបករណ៍តេស្ដរហ័សទូទាំងប្រទេសក្នុងការរុករកអ្នកមានជំងឺ Covid-19 នៅតាមភូមិបន្តទៀត ព្រោះថាការធ្វើបែបនេះគឺជាការបង្កភាពស្មុគស្មាញដល់ប្រជាពលរដ្ឋទៅវិញ ខណៈពលរដ្ឋមិនមានជំងឺនេះទាល់តែសោះ។

ប្រមុខរដ្ឋាភិបាលកម្ពុជា បានបញ្ចេញសារសំឡេងប្រវែងជាង ១០នាទីទៅក្នុងក្រុមមន្ត្រីរដ្ឋាភិបាលសំខាន់ៗតាមបណ្តារាជធានី-ខេត្តនៅថ្ងៃទី៣០ ខែកញ្ញា ថា ឧបករណ៍តេស្ដរហ័សត្រូវប្រើក្នុងទីតាំងជាក់លាក់ ដើម្បីរង់ចាំពលរដ្ឋទៅធ្វើតេស្ដដោយខ្លួនឯងវិញនៅពេលដែលពលរដ្ឋសង្ស័យថាខ្លួនគាត់ឆ្លងវីរុស Covid-19។

លោក ហ៊ុន សែន អះអាងថា បើទោះបីជាត្រូវផ្អាកការបិទខ្ទប់ដើម្បីការរុករកអ្នកឆ្លងវីរុស Covid-19 នៅតាមទីតាំងដែលសង្ស័យក៏ដោយ ក៏ត្រូវនាំគ្នាអនុវត្តវិធានការសុខាភិបាលជាប់ជានិច្ចដដែល ដើម្បីធានានូវសុវត្ថិភាពសុខភាពពេញលេញនៅពេលដែលរដ្ឋាភិបាលបើកដំណើរការសេដ្ឋកិច្ចសង្គមឡើងវិញនៅពេលខាងមុខ តាមគន្លងថ្មីដែលពលរដ្ឋនឹងត្រូវរស់នៅជាមួយ Covid-19។

លោក ហ៊ុន សែន បញ្ជាក់ថា បើកម្ពុជានៅតែអនុវត្តការបិទខ្ទប់ដើម្បីរកអ្នកដែលឆ្លងវីរុស Covid-19 ទៀតនោះ កម្ពុជានឹងមិនអាចអនុវត្តការរស់នៅតាមគន្លងថ្មីជាមួយជំងឺ Covid-19 ដើម្បីឆ្ពោះទៅរកការបើកប្រទេសឡើងវិញបានទេ ប៉ុន្តែបញ្ហាសំខាន់គឺត្រូវផ្ដោតការយកចិត្តទុកដាក់ទៅលើការព្យាបាលចំពោះអ្នកមានជំងឺ Covid-19 វិញ។

ជុំវិញការទប់ស្កាត់ការឆ្លងវីរុស Covid-19 នេះ ក្រសួងសុខាភិបាលកម្ពុជាបានបង្ហាញរបាយការណ៍របស់ខ្លួននៅថ្ងៃទី៣០ ខែកញ្ញា ថា ក្រសួងបានរកឃើញអ្នកឆ្លងវីរុស Covid-19 ថ្មីចំនួន ៩៧៨នាក់ និងអ្នកជាសះស្បើយថ្មីចំនួន ៦០៥នាក់ ខណៈអ្នកស្លាប់ថ្មីមានចំនួន ១៧នាក់។

ក្រសួងបញ្ជាក់ថា មកទល់នឹងពេលនេះ អ្នកឆ្លងវីរុស Covid-19 សរុបបានកើនឡើងជាង ១១ម៉ឺននាក់ហើយ និងអ្នកដែលជាសះស្បើយសរុបមានចំនួនជាង ១សែន ២ពាន់នាក់ ដោយឡែកអ្នកស្លាប់សរុបបានកើនឡើង ២៣០០នាក់ផងដែរ។

ក្រសួងសុខាភិបាល ក៏បានអះអាងកាលពីម្សិលមិញផងដែរថា ខ្លួនបានបង្កើនល្បឿនចាក់វ៉ាក់សាំងជូនពលរដ្ឋដូសទី១ បានជាង ១៣លាននាក់ រីឯដូសទី២ បានជាង ១១លាននាក់ ចំណែកអ្នកចាក់ដូសទី៣ ចំនួនជាង ៨សែន ៨ម៉ឺននាក់ហើយនៅពេលនេះ។

ដោយឡែកកុមារដែលមានអាយុក្រោម ១៨ឆ្នាំចាក់បាន ៨៩,៤១% ខណៈកុមារក្រោមអាយុ ១២ឆ្នាំចាក់បាន ៨៨,០៦% ផងដែរ។

ទោះជាយ៉ាងណាក៏ដោយ កាលពីថ្ងៃទី២៣ ខែកញ្ញា កន្លងទៅ ប្រមុខរដ្ឋាភិបាលកម្ពុជាបានចេញសេចក្តីសម្រេចស្ដីពីការផ្អាកការរៀបចំពិធីបុណ្យកាន់បិណ្ឌ និងភ្ជុំបិណ្ឌភ្លាមៗ ដើម្បីទប់ស្កាត់ការឆ្លងរាលដាលនៃជំងឺ Covid-19 ក្រោយរកឃើញការឆ្លងជំងឺនេះយ៉ាងគំហុកនៅតាមវត្តអារាមមួយចំនួន បន្ទាប់ពីពិធីបុណ្យកាន់បិណ្ឌបានចាប់ផ្តើមត្រឹមរយៈពេល ២ថ្ងៃប៉ុណ្ណោះ៕

នាយករដ្ឋមន្ត្រីបញ្ជាឱ្យក្រសួងសុខាភិបាលបញ្ឈប់ការប្រើឧបករណ៍តេស្ដរហ័សទូទាំងប្រទេសជាបន្ទាន់

បទវិភាគ

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

បទវិភាគ៖ បក្សប្រឆាំងនៅថៃឡើងកាន់អំណាច បានទាញឱ្យមានការផ្សះផ្សាជាតិទូលំទូលាយ

បទវិភាគ៖ ហ្វីលីពីនលេងហ្គេមជាមួយចិនដើម្បីអូសចិនទៅកាន់តុលាការអន្តរជាតិសាជាថ្មីទៀតករណីជម្លោះដែនសមុទ្រ

បទវិភាគ៖ ពិភពលោកទំនងមិនអាចជួយបញ្ចប់ភ្លើងកំហឹងរបស់អ៊ីស្រាអែលបានទេ

អត្ថបទវិភាគ៖ ដំណោះស្រាយនយោបាយតឹងតែង

បទវិភាគ៖ បក្សកាន់អំណាចបង្កើតបន្ទប់ឃ្លាំមើលអ្នកប្រើប្រាស់អ៊ីនធឺណិត១០ឆ្នាំមកហើយ

បទវិភាគ៖ បើបក្សប្រឆាំងនៅថៃឈ្នះឆ្នោត តើពលរដ្ឋកម្ពុជាគួរបង្ហាញឆន្ទៈបោះឆ្នោតដូចម្តេចនៅខែកក្កដា?

បទវិភាគ៖ អ្វីនៅពីក្រោយមេដឹកនាំចិនសម្រេចលើកទូរសព្ទនិយាយទៅរកលោក ហ្សេឡេនស្គី?

អត្ថបទទាក់ទង

ថ្ងៃទី១៧មេសាឆ្នាំនេះ លោក ហ៊ុន សែន ត្រូវគេចាត់ទុកថាកំពុងបើកសករាជជ្រែករាជ្យដូចសេ្តចកន

ក្រុមអ្នកឃ្លាំមើល៖ ពាក្យសន្តិភាព គ្រាន់តែជាពាក្យគំរាមដើម្បីការពារអំណាចបន្តពូជត្រកូលហ៊ុនប៉ុណ្ណោះ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

ថ្ងៃទី១៧មេសាឆ្នាំនេះ លោក ហ៊ុន សែន ត្រូវគេចាត់ទុកថាកំពុងបើកសករាជជ្រែករាជ្យដូចសេ្តចកន

ភាគ២៖ ម្ចាស់ភាគហ៊ុនរងគ្រោះក្នុងក្រុមហ៊ុន CIC Partner ទាមទារស៊ើបអង្កេតករណីបាត់លុយរាប់សិបលានដុល្លារ

ក្រុមហ៊ុន CIC Partner បាត់លុយ តើបាត់ទៅឯណា អ្នកណាទទួលខុសត្រូវ?

អ៊ុយក្រែន និង ICC សហការប្រមូលភស្តុតាងនាំខ្លួនលោក ពូទីន និងបក្ខពួកយកទៅកាត់ទោសករណីសម្លាប់រង្គាលនៅអ៊ុយក្រែន

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។