27 C
Phnom Penh

TAG

ដែនសមុទ្រ​ចិន​ខាងត្បូង

វៀតណាម​ចុះហត្ថលេខា​ពង្រីក​វិស័យ​ការពារ​ជាតិ​ជាមួយ​ជប៉ុន​នៅ​ចំពោះ​វត្តមាន​ប្រមុខ​ការទូត​ចិន

នៅ​ពេល​ដែល​រដ្ឋមន្ត្រី​ការបរទេស​ចិន លោក វ៉ាង យី មក​ធ្វើ​ទស្សនកិច្ច​នៅ​ក្រុង​ហាណូយ និង​ប្រទេស​ពីរ​ទៀត​មិនទាន់​បាន​ចាកចេញ​ផុត​ពី​ដែនដី​អាស៊ាន​ផង ស្រាប់តែ​វៀតណាម និង​ជប៉ុន បាន​ឈាន​ដល់​កិច្ចព្រមព្រៀង​ជា​ផ្លូវការ​រួម​គ្នា​ក្នុង​ការ​សំដៅ​ពង្រឹង​សន្តិសុខ​តំបន់ ដែល​មើល​ទៅ​ជា​ការ​ទាត់ចោល​នូវ​ការ​ស្នើសុំ​របស់​ចិន សុំ​ឱ្យ​វៀតណាម ជួយ​ទប់ស្កាត់​អ្នក​ខាងក្រៅ​ចូល​ពាក់ព័ន្ធ​ក្នុង​ជម្លោះ​តំបន់។ តាម​ទីភ្នាក់ងារ​សារព័ត៌មាន​ជប៉ុន​ក្យូដូ គឺ​ជប៉ុន និង​វៀតណាម បាន​ចុះហត្ថលេខា​លើ​កិច្ចព្រមព្រៀង​មួយ​កាលពី​ថ្ងៃ​សៅរ៍ ទី​១១ កញ្ញា។ កិច្ចព្រមព្រៀង​នេះ​ផ្ដល់​ឱកាស​ឱ្យ​មាន​ការ​បញ្ចេញ​ឧបករណ៍ និង​បច្ចេកវិទ្យា​ការពារ​ជាតិ​ដែល​ផលិត​ដោយ​ជប៉ុន ទៅកាន់​ប្រទេស​អាស៊ី​អាគ្នេយ៍​មួយ​នេះ។ កិច្ចព្រមព្រៀង​នេះ​ត្រូវ​បាន​ចុះហត្ថលេខា​នៅ​ទីក្រុង​ហាណូយ អំឡុង​ដំណើរ​ទស្សនកិច្ច​លើកដំបូង​របស់​រដ្ឋមន្ត្រី​ការពារ​ជាតិ​ជប៉ុន Nobuo Kishi...

ឥណ្ឌា​បង្ហាញ​អនុភាព​នាវា​ផ្ទុក​យន្តហោះ​និង​នាវា​ចម្បាំង​របស់​ខ្លួន​ប្រជែង​ជាមួយ​ចិន

ប្រទេស​មហាយក្ស​ទី​ពីរ​នៅ​អាស៊ី គឺ​ប្រទេស​ឥណ្ឌា។ ប្រទេស​ដ៏​ធំ​នេះ​កំពុងតែ​បង្ហាញ​អនុភាព​កងទ័ព​របស់​ខ្លួន​តាមរយៈ​ការ​បង្ហាញ​នាវា​ចម្បាំង និង​នាវា​ផ្ទុក​យន្តហោះ​ក្នុង​ការ​ប្រជែង​នឹង​ប្រទេស​ចិន នៅ​មហាសមុទ្រ​ឥណ្ឌា សមុទ្រ​ចិន​ខាងត្បូង និង​សមុទ្រ​ចិន​ខាងកើត។ កាលពី​ថ្ងៃ​ពុធ ទី​៤ សីហា នៅ​លើ​សមុទ្រ​ឥណ្ឌា ប្រទេស​ធំ​នេះ​បាន​បង្ហាញ​នាវា​ផ្ទុក​យន្តហោះ​ដែល​ផលិត​ដោយ​ក្រុមហ៊ុន​វិស្វករ​ឥណ្ឌា​ខ្លួន​គេ​ផ្ទាល់​ជា​លើកដំបូង គឺ​នាវា INS Vikrant។ នាវា​នោះ​ត្រូវ​បាន​ឥណ្ឌា​ចាត់​ចូល​ថា​ជា​នាវា​មាន​សមត្ថភាព​ដ៏​ខ្លាំង​ក្នុង​វិស័យ​យោធា​របស់​ខ្លួន។ ក្នុង​ពេល​ជាមួយ​គ្នា​នេះ ឥណ្ឌា​ក៏​បាន​បញ្ជូន​ក្រុម​នាវា​ចម្បាំង​របស់​ខ្លួន​មួយ​ក្រុម​ទៅ​ធ្វើ​សមយុទ្ធ​ជាមួយ​សហរដ្ឋ​អាមេរិក និង​សម្ពន្ធមិត្ត​ដទៃ​ទៀត​នៅ​សមុទ្រ​ចិន​ខាងត្បូង ដែល​នៅ​ទីនោះ ក្រុង​ប៉េកាំង​បាន​រក្សា​វត្តមាន​កង​នាវា​ចម្បាំង និង​នាវា​ផ្ទុក​យន្តហោះ​របស់​ខ្លួន​ជា​យូរ​មក​ហើយ។ ការ​បង្ហាញ​អនុភាព​ផ្នែក​យោធា​ជា​ប្រវត្តិសាស្ត្រ​លើ​ផ្ទៃ​សមុទ្រ​នេះ គឺជា​ការ​បង្ហាញ​អំពី​កម្លាំង​យោធា​ដ៏​រឹងមាំ​របស់​ឥណ្ឌា​ក្នុង​ការ​ដើរ​តួនាទី​ធំ​ជាង​មុន ដើម្បី​រក្សា​សន្តិភាព​តំបន់។ ជាង​នេះ​ទៅទៀត គឺ​ដើម្បី​កសាង​ទំនុក​ចិត្ត​ពី​សម្ពន្ធមិត្ត...

ជប៉ុន​អំពាវនាវ​សុំ​ឱ្យ​សហគមន៍​អន្តរជាតិ​ជួយ​តៃវ៉ាន់​ប្រឆាំង​ផែនការ​របស់​ចិន​លើក​ទ័ព​លុកលុយ​តៃវ៉ាន់

រដ្ឋមន្ត្រី​ក្រសួង​ការពារ​ជាតិ​ជប៉ុន អំពាវនាវ​ទៅ​សហគមន៍​អន្តរជាតិ ឱ្យ​រួម​កម្លាំង​គ្នា​ជួយ​កោះ​តៃវ៉ាន់ ខណៈ​ប្រទេស​ចិន មាន​ផែនការ​លើក​ទ័ព​ចូល​លុកលុយ​ដែន​កោះ​នេះ​ដើម្បី​កាន់កាប់​ឱ្យ​មក​ក្រោម​ការ​ដឹកនាំ​របស់​បក្ស​កុម្មុយនីស្ត​ចិន។ នេះ​បើ​តាម​សារព័ត៌មាន Financial Times បាន​ចុះផ្សាយ​កាលពី​ថ្ងៃ​ទី​៣ ខែ​សីហា។ លោក​រដ្ឋមន្ត្រី​ការពារ​ជាតិ Nobuo Kishi ដែល​ជា​ប្អូនប្រុស​របស់​អតីត​នាយករដ្ឋមន្ត្រី Shinzo Abe បាន​ប្រាប់​ប្រភព​សារព័ត៌មាន​នេះ​ថា សហគមន៍​អន្តរជាតិ​ត្រូវ​រួមគ្នា​ជួយ​ការពារ​តៃវ៉ាន់ ហើយ​ប្រឆាំង​នឹង​ផែនការ​របស់​ចិន ដែល​លោក​ថា តៃវ៉ាន់​កំពុង​ប្រឈម​នឹង​ការ​វាយលុក​ដោយ​កងទ័ព​ចិន។ ការ​លើកឡើង​របស់​ប្រមុខ​ការពារ​ជាតិ​ជប៉ុន​រូប​នេះ គឺជា​ការ​កត់សម្គាល់​មួយ​ទៀត​ថា ប្រទេស​ជប៉ុន​បារម្ភ​ជា​ខ្លាំង​អំពី​អនាគត​កោះ​តៃវ៉ាន់​ដែល​អាច​របូត​ក្រោម​ការ​គ្រប់គ្រង​របស់​ក្រុង​ប៉េកាំង។ នៅ​រយៈពេល​ចុងក្រោយ​នេះ ជប៉ុន​កាន់តែ​ជិតស្និទ្ធ​នឹង​កោះ​តៃវ៉ាន់ គឺ​ភាគី​ទាំង​ពីរ​បាន​ឈាន​ដល់​កិច្ចព្រមព្រៀង​ពង្រឹង​វិស័យ​សន្តិសុខ​ទ្វេភាគី​ទៀត​ផង...

អាល្លឺម៉ង់​បញ្ចេញ​នាវា​ចម្បាំង​ទៅកាន់​សមុទ្រ​ចិន​ខាងត្បូង ខណៈ​នាវា​អង់គ្លេស​និង​អាមេរិក​កំពុង​រង់ចាំ

សាធារណរដ្ឋ​សហព័ន្ធ​អាល្លឺម៉ង់ បាន​ចាប់ផ្ដើម​បញ្ជូន​នាវា​ចម្បាំង​របស់​ខ្លួន​ទៅកាន់​សមុទ្រ​ចិន​ខាងត្បូង នៅ​ថ្ងៃ​ទី​៣ កក្កដា ខណៈ​នាវា​ចម្បាំង​របស់​អង់គ្លេស និង​អាមេរិក រង់ចាំ​នៅ​ទីនោះ​ដើម្បី​ធ្វើ​សមយុទ្ធ​រួមគ្នា។ ក្នុង​អំឡុង​ប៉ុន្មាន​ខែ​ចុងក្រោយ​នេះ សមុទ្រ​ចិន​ខាងត្បូង​បាន​ក្លាយ​ទៅជា​ទីលាន​កម្ដៅ​សាច់ដុំ​នៃ​កង​កម្លាំង​ទ័ព​ជើងទឹក​មហាអំណាច​ធំៗ​នៅ​លើ​ពិភពលោក។ សហរដ្ឋ​អាមេរិក​បាន​សម្រេច​បញ្ជូន​នាវា​ផ្ទុក​យន្តហោះ និង​នាវា​ចម្បាំង​ជាច្រើន​គ្រឿង​ទៅកាន់​ទីនោះ គឺ​រយៈពេល​ពីរ​ឆ្នាំ​មក​ហើយ។ ស្រប​ពេល​ជាមួយ​គ្នា​នេះ ចិន​ដែល​កំពុង​ពង្រីក​ឥទ្ធិពល​របស់​ខ្លួន​ជាមួយ​នឹង​ការ​ពង្រាយ​នាវា​ផ្ទុក​យន្តហោះ និង​នាវា​ចម្បាំង​របស់​ខ្លួន​រាប់​សិប​គ្រឿង​នៅ​ទីនោះ ខណៈ​មហាអំណាច​អង់គ្លេស​បាន​បញ្ជូន​នាវា​ផ្ទុក​យន្តហោះ HMS អម​ដោយ​នាវា​ពិឃាត​ចំនួន ១៨​គ្រឿង គឺ​កំពុង​ស្ថិតនៅ​ទីនោះ​ជាស្រេច​ហើយ​ដែរ ក្នុង​ការ​ធ្វើ​សមយុទ្ធ​ជាមួយ​នឹង​ក្រុម​នាវា​ទី​៧ របស់​សហរដ្ឋ​អាមេរិក។ ក្នុង​ស្ថានភាព​ដែល​កំពុង​តានតឹង​ស្រាប់​ហើយ​នេះ ស្រាប់តែ​ប្រទេស​ដែល​មាន​ថាមពល​ខ្លាំង​នៅ​អឺរ៉ុប​មួយ​ទៀត គឺ​អាល្លឺម៉ង់ បាន​បញ្ជូន​នាវា​ពិឃាត​ដ៏​ទំនើប​របស់​ខ្លួន​ទៅកាន់​សមុទ្រ​ចិន​ខាងត្បូង​នៅ​ថ្ងៃ​នេះ ដែល​មើល​ទៅ​គឺជា​ការរៀបចំ​កម្លាំង​សម្ពន្ធភាព​ជាមួយ​នឹង​អាមេរិក...

បុរស​ខ្លាំង​ហ្វីលីពីន​យល់ព្រម​ស្ដារ​កិច្ចព្រមព្រៀង​យោធា​ជាមួយ​អាមេរិក​ឡើងវិញ​ខណៈ​រង​ការរិះគន់​ពី​អ្នក​នយោបាយ​បក្ស​ប្រឆាំង

ទីបំផុត បុរស​ខ្លាំង​គឺ​ប្រធានាធិបតី​ហ្វីលីពីន លោក Rodrigo Duterte បាន​សម្រេច​ស្ដារ​ឡើងវិញ​ទាំងស្រុង​នូវ​កិច្ចព្រមព្រៀង​ទស្សនកិច្ច​យោធា the Visiting Forces Agreement ឬ​ហៅ​ថា VFA ជាមួយ​សហរដ្ឋ​អាមេរិក។ បណ្ដាញ​ផ្សាយ​ព័ត៌មាន​ទូរទស្សន៍ CNN បាន​ហៅ​ជំហរ​របស់​ប្រធានាធិបតី Rodrigo Duterte ថា​ជា​ជំហាន​វិជ្ជមាន​មួយ​ធ្វើ​ឲ្យ​សហរដ្ឋ​អាមេរិក​ងាយស្រួល​ក្នុង​ការ​ចូល​ជួយ​កងទ័ព​ហ្វីលីពីន ក្រោម​លក្ខខណ្ឌ​ធ្វើ​សមយុទ្ធ​សំដៅ​ពង្រឹង​សមត្ថភាព​រវាង​កងទ័ព​នៃ​ប្រទេស​ទាំង​២។ តាម​ប្រភព​សារព័ត៌មាន​របស់​អាមេរិក​នេះ​ឲ្យ​ដឹង​ថា កិច្ចព្រមព្រៀង​ពង្រឹង​វិស័យ​យោធា​ជាថ្មី​នេះ គឺជា​សញ្ញា​ប្រាប់​ទៅ​ប្រទេស​ចិន ថា​សម្ពន្ធភាព​អាយុ ៧០​ឆ្នាំ​មកនេះ​រវាង​ក្រុង​ម៉ានីល និង​ក្រុង​វ៉ាស៊ីនតោន...

ប្រមុខ​ការពារ​ជាតិ​អាមេរិក​ទៅដល់​វៀតណាម​បើក​កិច្ចពិភាក្សា​ស៊ីជម្រៅ​អំពី​សន្តិសុខ​តំបន់

បន្ទាប់ពី​បញ្ចប់​ទស្សនកិច្ច​នៅ​ប្រទេស​សិង្ហបុរី រដ្ឋមន្ត្រី​ការពារ​ជាតិ​អាមេរិក លោក Lloyd Austin បាន​ទៅ​ដល់​ទីក្រុង​ហាណូយ ដោយ​បាន​បើក​កិច្ចពិភាក្សា​ភ្លាមៗ​ជាមួយ​ថ្នាក់​ដឹកនាំ​វៀតណាម ហើយ​របៀបវារៈ​សំខាន់​ជាងគេ គឺ​បញ្ហា​សន្តិសុខ​នៅ​ក្នុង​តំបន់ ជាពិសេស​បញ្ហា​សមុទ្រ​ចិន​ខាងត្បូង។ សេចក្ដី​រាយការណ៍​របស់​ទីភ្នាក់ងារ​សារព័ត៌មាន​វៀតណាម VNA បាន​ចុះផ្សាយ​ថា នៅ​ថ្ងៃ​ទី​២៩ កក្កដា ថា លោក Lloyd Austin បាន​ជួប​ជំហាន​ដំបូង​ជាមួយ​នឹង​រដ្ឋមន្ត្រី​ការពារ​ជាតិ​វៀតណាម ឧត្តមសេនីយ៍ Phan Văn Giang។ ជំនួប​នេះ...

វិភាគ៖ រដ្ឋមន្ត្រី​ការពារ​ជាតិ​អាមេរិក​ជាន់​ដី​អាស៊ាន​ពង្រឹង​កម្លាំង​សម្ពន្ធភាព​ទប់ទល់​អំណាច​វាតទី​របស់​ចិន

ក្នុង​រដ្ឋការ​របស់​លោក ដូណាល់ ត្រាំ អាស៊ាន​ត្រូវ​គេ​មើលឃើញ​ថា ហាក់​នៅ​ឆ្ងាយ​ពី​អាមេរិក ដែល​រដ្ឋការ​នេះ​ពុំសូវ​លើក​កម្លាំង​ប្រជាធិបតេយ្យ​នៅ​អាស៊ាន​ច្រើន​នោះ​ទេ។ តែ​ដល់​ឆ្នាំ​ទី​៤ រដ្ឋការ​លោក ដូណាល់ ត្រាំ គិត​ច្រើន​ទាំង​ការ​ពង្រឹង​កម្លាំង​ប្រជាធិបតេយ្យ និង​វិស័យ​សន្តិសុខ​តំបន់ ខណៈ​ប្រទេស​មហាយក្ស​ចិន ពង្រីក​មាឌ​កាន់តែ​ធំ​ឡើង​គ្របដណ្ដប់​លើ​អាស៊ាន។ ចូល​មក​ដល់​រដ្ឋការ​លោក ចូ បៃដិន ក៏​បាន​ចាប់ផ្ដើម​បើកភ្នែក​សម្លឹង​មើល​អាស៊ាន​ឡើងវិញ​ក្នុង​ការ​ប្ដូរ​យុទ្ធសាស្ត្រ​ដោយ​ងាក​មក​ផ្ដោត​លើ​តំបន់​អាស៊ាន ដើម្បី​ប្រមូលផ្ដុំ​កម្លាំង​សម្ពន្ធភាព​រាំងខ្ទប់​ការ​កើន​ឡើង​ឥទ្ធិពល​របស់​ចិន ដែល​គេ​ហៅថា​ការ​វាតទី។ ស្រប​ពេល​នេះ រដ្ឋការ​លោក បៃដិន បាន​បញ្ជូន​មន្ត្រី​អាមេរិក​កំពូលៗ​មក​បំពេញ​ទស្សនកិច្ច​នៅ​តំបន់​អាស៊ី​ដោយ​នាំ​មក​នូវ​របៀបវារៈ​តែ​មួយ​ប៉ុណ្ណោះ គឺ​ប្រមូល​កម្លាំង​សម្ពន្ធភាព​រាំង​ខ្ទប់​ឥទ្ធិពល​ចិន ក្នុង​តំបន់។ ក្នុង​សប្ដាហ៍​នេះ...

អង់គ្លេស​ប្រកាស​ពង្រាយ​នាវា​ចម្បាំង​ពីរ​គ្រឿង​នៅ​សមុទ្រ​អាស៊ី​ទប់ទល់​នឹង​ការ​វាតទី​របស់​ចិន

មហាអំណាច​ជើងទឹក​ដែល​ត្រូវ​បាន​គេ​ស្គាល់​ថា​ជា​ចក្រភព​អង់គ្លេស នៅ​ពេល​នេះ​បាន​ប្រកាស​ថា​ខ្លួន​នឹង​ដាក់​ពង្រាយ​នាវា​ចម្បាំង​ចំនួន ២​គ្រឿង​ដាក់​ជា​អចិន្ត្រៃយ៍​នៅ​ក្នុង​ដែនទឹក​អាស៊ី គឺ​នៅ​សមុទ្រ​ចិន​ខាងត្បូង និង​សមុទ្រ​ចិន​ខាងកើត។ ការប្រកាស​នេះ ធ្វើឡើង​ខណៈ​នាវា​ដឹក​យន្តហោះ HMS Queen Elisabeth នឹង​មក​ដល់​សមុទ្រ​ប្រទេស​ជប៉ុន ក្នុង​ខែ​កញ្ញា នេះ​ហើយ ក្នុង​នោះ​នាវា​ចម្បាំង​ចំនួន ២​គ្រឿង​របស់​ប្រទេស​មហាអំណាច​នេះ​ដែល​នឹង​ពង្រាយ​នៅ​សមុទ្រ​អាស៊ី នឹង​មក​ដល់​ទន្ទឹម​គ្នា។ រដ្ឋមន្ត្រី​ក្រសួង​ការពារ​ជាតិ​ជប៉ុន ធ្លាប់​បាន​ទទូច​ដល់​បណ្តា​ប្រទេស​នៅ​អឺរ៉ុប ឱ្យ​មាន​ការចូលរួម​ផ្នែក​យោធា​កាន់តែ​សកម្ម​នៅ​អាស៊ី​ប៉ាស៊ីហ្វិក។ រដ្ឋមន្ត្រី​ការពារ​ជាតិ​ជប៉ុន​រូប​នេះ គឺ​លោក Nobuo Kishi។ លោក​បាន​អំពាវនាវ​ដល់​សហភាព​អឺរ៉ុប ឱ្យ​ពង្រឹង​ការ​ប្ដេជ្ញាចិត្ត​របស់​ខ្លួន​ចំពោះ​តំបន់​ឥណ្ឌូ-ប៉ាស៊ីហ្វិក ដែល​លោក​ថា...

វិភាគ៖ កម្ពុជា​ប្រឈម​នឹង​ផលវិបាក​ក្រោម​ឥទ្ធិពល​ចិន​ក្នុង​ឋានៈ​ជា​ប្រធាន​អាស៊ាន​សម្រាប់​ឆ្នាំ​២០២២

កម្ពុជា​បាន​ចូល​ជា​សមាជិក​របស់​សមាគម​ប្រជាជាតិ​អាស៊ី​អាគ្នេយ៍ នៅ​ឆ្នាំ​១៩៩៩។ រាជាណាចក្រ​នេះ​ធ្លាប់​ធ្វើ​ជា​ប្រធាន​អាស៊ាន​នៅ​ឆ្នាំ​២០១២។ កម្ពុជា​នៅ​ពេល​នោះ ត្រូវ​បាន​គេ​រិះគន់​យ៉ាង​ខ្លាំង​ថា​លម្អៀង​ទៅ​រក​ចិន ដោយ​ធ្វើ​ឱ្យ​អាស៊ាន​បរាជ័យ​ក្នុង​ការ​ចេញ​សេចក្តី​ថ្លែងការណ៍​រួម​ជា​លើកដំបូង​នៅ​ក្នុង​ប្រវត្តិសាស្ត្រ​រយៈពេល ៤៥​ឆ្នាំ​របស់​សមាគម​នេះ គឺ​នៅ​ពេល​នោះ កម្ពុជា​ត្រូវ​បាន​គេ​រាយការណ៍​ថា​បាន​បដិសេធ​មិន​ឱ្យ​បញ្ចូល​ភាសា​នូវ​ការរិះគន់ ឬ​វាយប្រហារ​អំពី​សកម្មភាព​របស់​នាវា​ចិន​នៅ​សមុទ្រ​ចិន​ខាងត្បូង​នោះ​ទេ។ ជម្លោះ​សមុទ្រ​ចិន​ខាងត្បូង​នៅ​ពេល​នោះ គឺ​ត្រូវ​បាន​កត់សម្គាល់​ថា​ពុំសូវ​មាន​ភាព​ក្ដៅ​គគុក​ដូច​ពេលនេះ​ទេ គឺ​ឆ្នាំ​២០១២ នោះ ចិន​ទើប​ងើប​ខ្លួន​ថ្មីថ្មោង​ជា​មហាអំណាច​សេដ្ឋកិច្ច ហើយ​ជាមួយ​គ្នា​នោះ សហរដ្ឋ​អាមេរិក​ក៏​ពុំ​ទាន់​ចាត់ទុក​ចិន​ថា​ជា​គូប្រជែង​ខ្លាំងក្លា​ដែរ។ ចំណែក​សមុទ្រ​ចិន​ខាងត្បូង​នៅ​ពេល​នោះ ក៏​សហរដ្ឋ​អាមេរិក​ពុំសូវ​បញ្ជូន​នាវា​ចម្បាំង​ទៅកាន់​ទីនោះ​ដូច​ពេលនេះ​ដែរ។ ក្នុង​កាលៈទេសៈ​នេះ​ហើយ ទំនង​នឹង​ធ្វើ​ឱ្យ​កម្ពុជា​កាន់តែ​ប្រឈមមុខ​នឹង​ផលវិបាក​ថែមទៀត​ក្នុង​នាម​ជា​ប្រធាន​អាស៊ាន​នៅ​ឆ្នាំ​២០២២ នៅ​ឆ្នាំ​ក្រោយ​នេះ។ បញ្ហា​សមុទ្រ​ចិន​ខាងត្បូង ត្រូវ​បាន​បារម្ភ​ថា អាច​បណ្តាល​ឱ្យ​មាន​ការ​បែកបាក់​រវាង​សមាជិក​អាស៊ាន ហើយ​អាច​ធ្វើ​ឱ្យ​អន្តរាយ​ដល់​ការ​សាមគ្គីភាព​ក្នុង​ចំណោម​សមាជិក​នៃ​សមាគម​តំបន់​មួយ​នេះ។ បើ​ទោះបីជា​កម្ពុជា​បាន​អះអាង​អំពី​ជំហរ​អព្យាក្រឹត​របស់​ខ្លួន​ជា​ប្រទេស​ដែល​មិន​ទាមទារ និង​បាន​លើក​ទឹកចិត្ត​ដល់​វិធីសាស្ត្រ​នៃ​ការចរចា​ទ្វេភាគី ដើម្បី​ដោះស្រាយ​ជម្លោះ​នៅ​សមុទ្រ​ចិន​ខាងត្បូង​តាម​ការ​ចង់​បាន​របស់​ភាគី​ចិន...

អាមេរិក​ដឹកនាំ​ធ្វើ​សមយុទ្ធ ១១​ប្រទេស​បង្ហាញ​កម្លាំង​ទ័ព​ពហុ​សាសន៍​គំរាម​ចិន

ក្រុម​ប្រទេស​ចតុភាគី​ហៅថា QUAD មាន​អាមេរិក អូស្ត្រាលី ជប៉ុន និង​ឥណ្ឌា រួម​ជាមួយ​នឹង​ប្រទេស​៨​ទៀត បាន​ចាប់ផ្ដើម​ធ្វើ​សមយុទ្ធ​រួមគ្នា​នៅ​ក្នុង​លំហសមុទ្រ​នៃ​ប្រទេស​អូស្ត្រាលី ដែល​ការ​បង្ហាញ​ល្បែង​សង្គ្រាម​នេះ​នៅ​ខណៈ​ដែល​ច្រក​សមុទ្រ​តៃវ៉ាន់ និង​សមុទ្រ​ចិន​ខាងកើត រួម​នឹង​សមុទ្រ​ចិន​ខាងត្បូង​កំពុងតែ​តានតឹង​ជា​ខ្លាំង ដោយសារតែ​ប្រទេស​ចិន​បំពារបំពាន​ដែន​កោះ​ទាំងនោះ។ សារព័ត៌មាន​របស់​ប្រទេស​អូស្ត្រាលី ABC បាន​ចុះផ្សាយ​ថា សមយុទ្ធ​នេះ​ដឹកនាំ​ដោយ​សហរដ្ឋ​អាមេរិក និង​អូស្ត្រាលី ប៉ុន្តែ​អូស្ត្រាលី​ជា​ម្ចាស់​អ្នក​រៀបចំ​ព្រឹត្តិការណ៍​នេះ​ដែល​ជា​សមយុទ្ធ​ដ៏​ធំ​ប្រចាំ​ពីរ​ឆ្នាំ​ម្ដង។ សមយុទ្ធ​នេះ​បាន​ធ្វើឡើង​ចាប់តាំង​ពី​ថ្ងៃ​ពុធ ទី​១៤ រហូត​ដល់​ថ្ងៃ​ទី​៣០ ខែ​កក្កដា ដែល​មាន​ឈ្មោះ​ថា Talisman Sabre។ ប្រទេស​ទាំង​៨...

Latest news